CUPAR BURNS CLUB

Instituted 1884. Federated 1893.

 

 

Greetings to oor Fieres

 

 

Greetings to oor fieres, frae every airt the wind can blow,

Asking Burnsians to appreciate a’ his mony sage advices.

The Cottar tells o’ family life an’ grace God can bestow,

Hard work will gar thee weel, through a’ life’s surprises.

The mousie foresees how faur agley oor plans can often go,

Hae compassion for man an’ nature, nae matter wha despises.

To see oursels as ithers see us, is a gift aboon the rest,

Free frae blunder an’ foolish notion, we wad be truly blest!

 

Strive to be honest in a’ ye dae, tho’ fate may be agin you,

An’ wi’ an independent mind despise deception and deceit;

Aye hae a vision o’ world peace, wi’ every man a brother true.

Tak heed of the advice to Andrew an’ mak’ your life complete,

The young friend’s epistle is wondrous, weel worthy o’ review!

Tam o’ Shanter tells of danger when drink an’ Cutty – sarks meet.

By heeding a’ Rabbie’s counsels, we can flourish and succeed,

So pray for the courage an’ wisdom to better reck the rede.